Fun Fact Friday: Touch-Wood
عشان أبقي صريحة معاكم، مدرسين الفلكلور نفسهم موصلوش لأصل واضح و صريح للجملة ..... بس في قصص كتير الناس كلها بتتداولها.
واحدة من القصص دي بدأت في عهد الإمبراطور قسطنطين، كانوا المسيحيين عندهم تقليد و هو المشي في مواكب عامة و كانوا كلهم بيلمسوا الصليب المصنوع من الخشب كنوع من البركة و حسن الحظ ..... و فضل الموضوع يتطور علي مر العصور لحد ما بقى لمس أي نوع من الخشب طريقة من طرق إبعاد الحسد.
مش بس كدة، كمان الثقافات الوثنية القديمة زي ثقافة الكلت في أوروبا كانت معتقدة إن الآلهة والأرواح بتعيش في جذوع الأشجار، فلما كانوا بيحطوا إيديهم علي الخشب كانت بمثابة طلب الحماية من الحسد و طلب الحظ الجيد.
أما قاموس أكسفورد لللغة الإنجليزية، إتكتب فيه إن أصل الجملة دي عائد إلى لعبة أطفال بريطانية اسمها Tiggy Touch Wood زي لعبة كهربا كدة عندنا ... و هي إن الأطفال بيحموا نفسهم في اللعبة عن طريق لمس أي قطعة خشب موجودة حواليهم ...
طبعا مفيش دليل ملموس عن أصل المثل أو المقولة دي ... القصص و الحكاوي كتير ... بس أنهي قصة فيهم حاسين إنها واقعية اكتر؟