رضا الناس....
مهما عملت، عمرك ما هترضى الناس كلها.
إرضاء الناس غاية لا تدرك!
متحولش تكون حد تانى غير نفسك، على طبيعتك، بأفكارك الغريبة المجنونة و بكل حاجة فيك، متتغيرش عشان ترضى حد أو عشان تعجب حد زى ما شخصيتك مبتعجبش ناس أكيد هتعجب ناس تانية حتى لو قليلين، مش حاجة مخجلة أو تزعلك.
!!you're special if, though
التصنع ده أسوأ شيء ف الحياة، و عمر ما صداقة أو أى حاجة بتبتدى بالتصنع و تكمل صح.
لو فيك عيب غيره، بس تكون مقتنع أنه عيب ومحتاج تغيره، مش عشان حد أو عشان تريح نفسك من زن اللي حواليك وخلاص لأنك ببساطة هتفشل في ده.
بس نصيحة؛
متعدش تغير فى نفسك كتير، طورها، وأشتغل عليها، مش عشان تكون أحسن من حد. لا. عشان تكون أحسن من "نفسك إمبارح" وتكون فخور راضي عن نفسك
ببساطة الناس مبيعجبهاش العجب وده اللي اكتشفته مؤخرًا
متئنبش نفسك لو معجبتش حد أو معرفتش تكتسب صديق لأن العيب مش فيك، العيب فى اللي مفهمكش صح. لثقة في النفس مهمة ومتكتسبهاش من اللي حوليك، صعب بس مش مستحيل يبقى عندك ثقة فى النفس نابعة من نفسك متستمدهاش من حد تاني.
كن نفسك وأكيد هتلاقى حد يحبها ويقدرها، بس لازم الأول أنت اللي تصدق إنك ليك قيمة ولازمة في الحياة، تحب نفسك وتقدرها وتثق فيها عشان تلاقى اللي يثق فيك ويقدرك.