كتيير مننا بيحس أنه ملوش قيمة و ملوش لازمة و جايين الحياة ديه غلط ، مش كدة ؟! مين مننا بيحس أنا فاشل ؟ فشل فى كل حاجة و كل أختيراته ! كام واحد مننا خلاص ، فقد الأمل و حاسس أنه مفيش فايدة ، كام واحد مننا بيعانى من الأكتئاب و اليأس ! حاسس أنه لوحده على الرغم من أن حوليه ناس كتيير بس ولا فاهمينه ولا حاسين بيه ، متهيئلى كل البيقرأ الأنا بكتبه ده حاسس على الأقل بواحد من ده لو مكنش كل الأنا ذكرته فى الكام السطر الفاته !
الفكرة فى الموضوع أننا مبنبئاش كمان حسيين ولا فاهمين ، هو ايه الناقصنا ؟! أحنا عايزيين ايه ؟ و البيعرف يرد على السؤال ده يبيرتاح لأنه بيوصل للمحتاجه يبيعزب نفسه أكتر لأنه عرف ايه المحتاجه و مبيعرفش يوصله ! و ديما ديما مبنكنش حاسسين بالنعمة الفى أيدينا إلا لما تزول مننا و نندم بعد فوات الأوان و نقولةيا ريتنا !
أحنا لازم نعرف أن "الحياة على الأرض" مش مستاهلة الصراع الأزلى الأحنا بنعيش فيه ، ساعلت بننسا نفسنا و نضيع عمرنا على أوهام و سراب مهما كان ايه هو و بننسى أهم حاجة ، أحنا هنا جايين نطيع الخالق و نشقى و نتعب و نسعى ، أكيد فى لحظات إنجاز و لحظات نجاح و لحظات هتكون سعيدة ، بس مش ديما ! لأن قانون السعادة المطلقة ده مش من قوانين الأرض ، لازم هتمر بصعوبات و أختبارات و مواقف صعبة و محزنة ، و من المواقف ديه أنك تبئى تايه و مش فاهم أنت هنا ليه ؟! فكرة أنك تشك فى نفسك و تعزب نفسك فى التفكير دى مش ساهلة .
ولا زم نقتنع بحاجة تانية ، ربنا مش بيدى حد كل حاجة ، لازم هياخد منك حاجة ، عشان أحنا مش فى الجنة و مش فى عالم مثالى خالى من النقط السودة ، ده مش معناه أنك تفقد الأمل و تكتئب لا ! أرجع فوق شوية كدة و شوف أنا بدأت كلامى بايه ، أحنا أتخلقنا عشان "نسعى" وومنيأسش و منفقدش الأمل ، لازم نحاول مرة و أتنين و عشرة و عشرين وومية لحد ما نوصل ، طب لو موصلناش ؟! سؤال بيختر على بالنا كلنا تصدق أنا كمان مبعرفش أرد عليه ، هو الموضوع ده معقرب كدة ليه ، هل ديه إشارة من ربنا عشان أوقف البعمله و أركز فى طريق تانى أفضل ولا فى اللحظة دى ربنا بيختبر مدى صبرى و قوتى
، فى حل عملى لطيف ،
متفنيش حياتك فى كيان و وجدان واحد ، لازم تقسم مجهودك على كزة حاجة ووتدى كل حاجة حقها ، مينفعش مثلا أفنى كيانى و وجدانى فى شغل و أما يروح منى أبكى على الأطلال ، و مينفعش برده أفنى كيانى فى شخص أو حتى فى عيلة بنتها و أما تمر عجلة الحياة أو تحصل ظروف و تبعد عنك متحسش أن الحياة أتنهت ، لازم يبئى عندك plan B و تشق 100 طريق و طريق ! عشان فى الأخر متندمش ، لو عندك حلم أجرى وراه مش عيب ! بس برده مضيعش الواقع من أديك...
مثال ، وظيفة أحلامك ، مينفعش تفضل تقول يا دى يا بلاش و متجيش ، أنت ممكن لو جتلك حاجة مش أوى تخدها و واحدة واحدة هتوصل...لكن يا المكتب و المرتب يا القاعدة فى البيت ، مترجعش تقول أنا فشلت ، و المبدأ ده مش فى الشغل بس ، ده فى كل حاجة فى حياتنا ، مينفعش نفنى وجدانا و مجهودنا فى شئ واحد و فى الأخر نخسره و نلائى نفسنا خسرنا نفسنا .
و كمان المفتاح لأنك تعيش مش سعيد بس مرتاااح البال و الضمير و الخاطر ، أنك ترضى بالمقسوم و أولهم ترضى بنفسك زى ما هى ، طورها و أشتغل عليها بس به تكون راضى عنها مهما حصل.. ، أتعب و أسعى و أشقى و أفشل و حاول تانى و أتعب و أشقى و أسعى فى الأخر هتوصل ، حتى لو موصلتش للأنت عايزه ، هتوصل لحاجة عالية و كبيرة و هترضيك !
فى فرق كبيييير لازم ندركه بين "الرضا و اليأس" و بين "السعى و الصراااع" !
فرق كبييير جدا لازم تدركه عشان تكون ناجح و فى نفس الوقت بالك مرتاح ، بتحط راسك على المخدة و أنت مرتاح ! فاهم قصدى ايه ؟!
مش لازم نوصل للقمة ، و مش لازم أبئى أحسن من ده و ديه و دول ، بس لازم أكون أحسن من نفسى إمبارح ، أشتغل على نفسى و أطورها و أتحداها و أجرب حاجات جديدة و أحبها و أقدرها و أرضى بالمكتوب مهما حصل...
و ديما خليك واثق فى ربنا و متأكد أنه هيعوضك خييير كتييير حتى لو مش الفى بالك...هو هيختارلك أحسن حاجة ليك و هترجع تحمده بعديين...حتى لو بعد سنييين طويلة !
