اسعى!

اسعى و ميهمكش، اسعى و متتوقعش، بس أتعب و ريح ضميرك، متخليهوش يقول يا ريتنى أبدا، أتحدى نفسك، اتحدى العالم فى حدود المتاح، أنت تقدر تعمل كتير، كل واحد فينا ربنا بيبقى خالقه بقدرة داخلية مش بيعرفها ولا بيكتشفها كتير مننا، حب الرحلة، رحلة الفشل قبل رحلة النجاح، حب كل خطوة، حب كل ذرة مجهود عملتها عشان تبقى فى مكان أحسن و أفضل، مهما حصل متيأسش، باب يتقفل، ١٠ بيتفتحوا، أفتح أى وكل باب يقبلك ممكن يخليك تتقدم خطوة لقدام، و دائما خليك فاكر، الرحلة الصعبة و الطريق الشاق كانوا سبيل كل من وصل وناجح دلوقتى، ودول موصلوش من أول رحلة، لا، دول فتحوا ١٠٠٠ باب وعاشوا ١٠٠ رحلة فشل عشان يركبوا فى الاخر قطر "رحلة النجاح،" و مين عارف ؟!!!

مش يمكن قطر النجاح هو قطر الرحلة الجاية...