ليه بنحب افلام محمد خان؟
سواء هاوي سينما مصري أو لا، اكيد كل حد فينا شاف ولو فيلم واحد لمحمد خان، و للي ميعرفوش هو مخرج مصري بريطاني من جيل الثمانينات وشهرته كانت من أفلامه الواقعية للحياة المصرية اليومية (خصوصا للستات).
محمد خان من المخرجين المميزين جدا وأفلامه بتترك بصمة عند المشاهد لأسباب كتير؛ منها توظيفه للممثلين في أدوارهم و إبراز قدراتهم، زي في شقة مصر الجديدة لما شفنا أداء استثنائي لغادة عادل أنا اعتقد إنه أفضل أداء ليها على الإطلاق، كانت الشخصية مناسبة ليها جدا وعرفت تدي إحساس البراءة و السذاجة و في نفس الوقت شخصية قوية وعندها عزيمة.
من الحاجات اللي بتميز محمد خان عن غيره في وقته هو اهتمامه بالأفلام النسائية وتصويره لحياة الست المصرية بكل تفاصيل حياتها وعلاقتها ومشاكلها بصورة دقيقة وواقعية جدا، و إضافة عنصر الصداقة بين بطلات الفيلم بيعزز أوي الصورة دي، فبنلاقي علاقتنا القوية بأصحابنا في علاقة ياسمين و جومانا في بنات وسط البلد و بنحس بأحلى معاني الصداقة بين هند و كاميليا في أحلام هند و كاميليا.
في تفصيلة في أفلام محمد خان ممكن حد يعتبرها مش مهمة بس بالنسبة لي كانت مميزة جدا و هي تعلق اغلب بطلات الأفلام بمغني معين أغانيه بتلازمهم طول الفيلم، ممكن التفصيلة دي مش موجودة في كل افلامه بس هي بتضيف لمسة واقعية أكتر للشخصيات وبتقدر تحس بارتباط بينك وبينهم، فمثلا في فتاة المصنع بيبقى في أغنية لسعاد حسني شغالة مع كل حالة لهيام بتخلي المشاهد يفرح او يزعل معاها.
من أهم التفاصيل في أفلام محمد خان و يمكن التفصيلة دي بتظهر بأوضح صورة في زوجة رجل مهم وهي كدرات التصوير العبقرية اللي بتتمثل في تكرار بعض الكدرات بعينها في أول وآخر الفيلم مع اختلافات بسيطة ليها مدلول معين، أو كدر عبقري زي تصوير انعكاس الصورة في نظارة هشام اللي بيدي إحساس بالسجن، او التركيز على وشوش وتعبيرات الابطال وعيونهم والاختلاف بين شكلها في أول وآخر الفيلم، فبتلاقي البريق اللي في عيون الأبطال في الأول راح مع نهاية الفيلم.
في أسباب تانية كتير تخلي محمد خان جدير بأن يتقال عليه مخرج استثنائي لأنه فعلا يستحق ده، أنا يمكن مشوفتش كل أفلامه بس شفت أفلام كفاية تخليه مخرجي المفضل وتخليني أقع في حب عالمه وعالم شخصياته.
محمد خان من المخرجين المميزين جدا وأفلامه بتترك بصمة عند المشاهد لأسباب كتير؛ منها توظيفه للممثلين في أدوارهم و إبراز قدراتهم، زي في شقة مصر الجديدة لما شفنا أداء استثنائي لغادة عادل أنا اعتقد إنه أفضل أداء ليها على الإطلاق، كانت الشخصية مناسبة ليها جدا وعرفت تدي إحساس البراءة و السذاجة و في نفس الوقت شخصية قوية وعندها عزيمة.
من الحاجات اللي بتميز محمد خان عن غيره في وقته هو اهتمامه بالأفلام النسائية وتصويره لحياة الست المصرية بكل تفاصيل حياتها وعلاقتها ومشاكلها بصورة دقيقة وواقعية جدا، و إضافة عنصر الصداقة بين بطلات الفيلم بيعزز أوي الصورة دي، فبنلاقي علاقتنا القوية بأصحابنا في علاقة ياسمين و جومانا في بنات وسط البلد و بنحس بأحلى معاني الصداقة بين هند و كاميليا في أحلام هند و كاميليا.
في تفصيلة في أفلام محمد خان ممكن حد يعتبرها مش مهمة بس بالنسبة لي كانت مميزة جدا و هي تعلق اغلب بطلات الأفلام بمغني معين أغانيه بتلازمهم طول الفيلم، ممكن التفصيلة دي مش موجودة في كل افلامه بس هي بتضيف لمسة واقعية أكتر للشخصيات وبتقدر تحس بارتباط بينك وبينهم، فمثلا في فتاة المصنع بيبقى في أغنية لسعاد حسني شغالة مع كل حالة لهيام بتخلي المشاهد يفرح او يزعل معاها.
من أهم التفاصيل في أفلام محمد خان و يمكن التفصيلة دي بتظهر بأوضح صورة في زوجة رجل مهم وهي كدرات التصوير العبقرية اللي بتتمثل في تكرار بعض الكدرات بعينها في أول وآخر الفيلم مع اختلافات بسيطة ليها مدلول معين، أو كدر عبقري زي تصوير انعكاس الصورة في نظارة هشام اللي بيدي إحساس بالسجن، او التركيز على وشوش وتعبيرات الابطال وعيونهم والاختلاف بين شكلها في أول وآخر الفيلم، فبتلاقي البريق اللي في عيون الأبطال في الأول راح مع نهاية الفيلم.
في أسباب تانية كتير تخلي محمد خان جدير بأن يتقال عليه مخرج استثنائي لأنه فعلا يستحق ده، أنا يمكن مشوفتش كل أفلامه بس شفت أفلام كفاية تخليه مخرجي المفضل وتخليني أقع في حب عالمه وعالم شخصياته.